شڪارپور
لکيدر ٿاڻي جي حد، جماڻي هال سومرا ڪالوني ڀرسان خوفناڪ واردات پيش آئي، جتي نامعلوم هٿياربند نوجوان گلاب جان بروهي ۽ سندس دوست اويس شاهه کان هٿيارن جي زور تي قيمتي سامان ڦري فرار ٿي ويا.
ذرائع موجب هٿياربندن CD 2024 موٽر سائيڪل، 32 هزار رپيا روڪ رقم، 3 عدد موبائيل فون (جن مان 2 آئي فون ۽ 1 Vivo موبائيل شامل آهي) ۽ اهم قانوني دستاويز ڦري، بي خوفي سان فرار ٿي ويا.
جيتوڻيڪ واقعي جي فوري اطلاع لکيدر ٿاڻي تي ڏني وئي، پر پوليس جي طرفان لاپرواهي، دير ۽ ڪارروائي کان پاسو ڪرڻ تي علائقي واسين ۾ شديد بيچيني پکڙجي وئي آهي. پوليس جي نااهلي ۽ غفلت سبب ڦرن جا واقعا ڏينهون ڏينهن وڌي رهيا آهن، جڏهن ته شهرين جي جان ۽ مال غير محفوظ بڻجي چڪي آهي.
متاثرين اعليٰ اختيارين کان مطالبو ڪيو آهي ته واقعي جي مڪمل جاچ ڪري ڏوهارين کي گرفتار ڪيو وڃي ۽ لاپرواهي ڪندڙ پوليس اهلڪارن خلاف به قانوني ڪارروائي ڪئي وڃي.
