قمبر شھدادڪوٽوڳڻ ۾ سنڌو درياھ مٿان تڪراري 6 ڪئنال اڏڻ سميت ھارين ۽ آبادگارن جي حقن خاطر مختلف پارٽين طرفان گڏيل طور جدجهد ڪرڻ جو اعلان
قمبر شھدادڪوٽوڳڻ ۾ سنڌو درياھ مٿان تڪراري 6 ڪئنال اڏڻ سميت ھارين ۽ آبادگارن جي حقن خاطر مختلف پارٽين طرفان گڏيل طور جدجهد ڪرڻ جو اعلان ،
خبر موجب وڳڻ جي سياسي سماجي تنظيمن جماعت اسلامي ، سجاڳ نوجوان اتحاد ، المغيري نوجوان سوشل ويلفيئر ايسوسيئيشن ، وڳڻ عوامي حقوق اتحاد ۽ ٻين شھرين جي طرفان سنڌو درياھ تي ڌاڙو هڻڻ ، سنڌو مٿان غير قانوني طور ڇھ ڪئنال اڏڻ خلاف ۽ ھارين کان ڪڻڪ جي خريداري ڪري مناسب اگھ ڏيڻ ۽ بدامني ، ڦرن ، ڌاڙن ۽ سماجي براين خلاف 11 اپريل جو جمعي تي مک چوڪ تي احتجاجي مظاھري جو اعلان ڪيو ويو جنھن ۾ شھرين ، ھارين ، آبادگارن ، شاگردن ، وڪيلن ، اديبن ليکڪن ، دانشورن ، سول سوسائٽي جي اڳواڻن ۽ زميندارن کي شرڪت جي اپيل ڪئي وئي آهي ان سلسلي ۾ اڳواڻن گلاب خان وڳڻ ، وڪيل يار محمد مغيري ، ڪامريڊ غلام حسين مغيري ، الطاف وڳڻ ، حافظ عبدالخالق پنهور ۽ ٻين چيو تہ سنڌو درياھ کي سڪائڻ ظالم حڪمرانن جي سازش رهي آهي درياھ اسان سڀنين جي زندگي آهي جيوت لا۽ بہ پاڻي ضروري آهي سنڌ جو ھر فرد درياھ تي ڌاڙو قبول نہ ڪندو ، جڏھن تہ سنڌ جو عوام باشعور ٿي چڪو آهي حڪمرانن کي سنڌو درياھ مان تڪراري منصوبا بند ڪرڻا پوندا
