ڪنڌڪوٽ محرم الحرام جي سيڪيورٽي، ڪشمور پوليس جو فليگ مارچ، امام بارگاهن جو جائزو
ڪنڌڪوٽ
محرم الحرام جي سيڪيورٽي، ڪشمور پوليس جو فليگ مارچ، امام بارگاهن جو جائزو
تفصيل موجب:
محرم الحرام جي سلسلي ۾ سيڪيورٽي انتظامن کي حتمي شڪل ڏيڻ لاءِ ايس ايس پي ڪشمور زبير نظير احمد شيخ جي اڳواڻي ۾ فليگ مارچ ڪيو ويو ۽ امام بارگاهن جو دورو ڪيو ويو. ان موقعي تي ڊي سي ڪشمور آغا شير زمان پٺاڻ ۽ وِنگ ڪمانڊر رينجرز ڪرنل طلال اعجاز پڻ ساڻ هئا، فليگ مارچ ضلع جي حساس علائقن ڪنڌڪوٽ، بخشاپور ۽ بڊاڻي ۾ ڪيو ويو. اعليٰ عملدارن امام بارگاهن، مجلسن جي هنڌن ۽ جلوسن جي روٽن جو جائزو ورتو ۽ مختلف مذهبن سان واسطو رکندڙ ماڻهن سان ملاقاتون ڪيون، دوري دوران پوليس، رينجرز ۽ مڪاني انتظاميا کي واضح هدايتون ڏنيون ويون ته محرم الحرام دوران امن امان کي هر صورت ۾ يقيني بڻايو وڃي. ايس ايس پي ڪشمور چيو ته سيڪيورٽي کي فول پروف بڻايو پيو وڃي ۽ بين المذاهب هم آهنگي کي هٿي ڏيڻ لاءِ سڀني طبقن سان رابطي ۾ آهيون، هن عوام کان به اپيل ڪئي ته هو امن جي فضا کي برقرار رکڻ لاءِ پوليس ۽ انتظاميا سان ڀرپور سهڪار ڪن ته جيئن محرم جا ڏينهن پرامن طريقي سان گذاري سگهجن
