شهيد عرفان ۽ زاهد لغاري جو ڪيس داخل ڪريو، عدالت ۾ درخواست داخل

نوشهروفيروز مورو واقعي خلاف سنڌ يونائيٽيڊ لائيرس فورم جي وڪيلن عدالت ۾ درخواست داخل ڪئي آھي. وڪيلن جي پينل وڪيل مير احمد مڱريو جي اڳواڻي ۾ درخواست داخل ڪئي. درخواست سيشن ائنڊ ڊسٽرڪٽ جج جي عدالت ۾ داخل ڪئي وئي. درخواست ۾ واقعي ۾ شھيد ٿيل عرفان ۽ زاھد جو ڪيس داخل ڪرڻ جي اپيل ڪئي وئي آھي. جڏھن ته مورو واقعي جو جواز ڄاڻائي عام ماڻھن کي تنگ ڪرڻ خلاف پوليس ۽ اعلي عملدارن تي ڪيس داخل ڪرڻ جي التجا ڪئي وئي آھي. عدالت درخواست ايڊيشنل سيشن جج مورو ڏانهن منتقل ڪري ڇڏي.آھي. ڪيس جي ٻڌڻي  4/8/2025 تاريخ تي  ٿيندي. ڪيس چي پيروي ايڊووڪيٽ عابد آزاد جهتيال، نبي بخش ساند، حسام الدين عمراڻي، منور لغاري ۽ سليم رضا لغاري شامل آھن.